Sochı Olımpıadasynyń júldegeri, mánerlep syrǵanaýshy Denıs Ten qaıtys boldy. Bul aqparatty Densaýlyq saqtaý mınıstrliginiń baspasóz hatshysy Ernar Ákimqulov rastady.
Oqıǵa Almaty qalasyndaǵy Qurmanǵazy men Baıseıitova kósheleriniń qıylysynda búgin túski saǵat 15:00 shamasynda bolǵan.
Sportshy kóliginiń aınasyn urlamaq bolǵan eki adamnyń ústinen túsken. Arada bastalǵan janjaldyń saldarynan urylar Denıs Tenge pyshaq suǵyp alǵan. Oń jaq sanynyń joǵarǵy tusynan jaraqat alǵan sportshy úsh lıtr qan joǵaltyp, aýrýhanaǵa óte aýyr jaǵdaıda jetkiziledi. Alaıda aq halattylar 25 jastaǵy Denıs Tenniń ómirin aman alyp qala almady.